حيفا !

سَمراء وَكُحلٌ أَسْوَد
عَيْناها قِداسُ المَعبّد
خَداها رُمانٌ بَلْ أَشْهَى
عَسلٌ بَلْ أنْقى
الصُبْحُ النًدِي
الُأُفُقُ البَنَفسَجِي
الشْالُ ألعَسْجَدِي
هَلْ مِنْكم من يَعرفُ حَيْفا؟

حيفا هى من اهم واكبر المدن الفلسطينية المحتلة, فقد وهبها الله موقع متميز على جبل الكرمل وشواطئه واصبحت نقطة الأتصال بين البر والبحر والسعهل والجبل والشمال والجنوب .

وهى ذات اهمية تجارية وثقافية وعسكرية على مر تاريخها لذلك اصبحت مطمع للإستعمار بداية من الغزو الصليبى إلى الإحتلال الصهيونى.

 

الاحتلال

تبدأ الاحداث من سنه 1918 حينما اصبحت فلسطين تابعة للإنتداب البريطانى ومن هنا بدأت المؤامرات من اجل إقامة دولة لليهود على ارض فلسطين وقامت بريطانيا بتشجيع اليهود على الهجرة إلى فلسطين وإقامة المستوطنات لهم حتى وصل عدد المستوطنات اليهودية في قضاء حيفا لوحده في العهد البريطاني حوالي 62 مستوطنة

تيقنت القيادات الصهيونية السياسية والعسكرية أن تصفيه مدينتي يافا وحيفا هو السبيل لإقامة المشروع الصهيونى وان بقائهم فى يد العرب يمثل خطر كبير على إقامة الدولة الصهيونية

وبتاريخ 21-4-1948 أبلغ الحاكم العسكري البريطاني العرب قرار الجلاء عن حيفا وكان هذا الإعلان إشارة  للقوات الصهيونية لبدء خطتها في الاستيلاء على المدينة وكان لها ما أرادت

 

كانت حيفا من أهم المراكز الثقافية الفلسطينية قبل النكبة عام 1948، وانتشرت فيها الجمعيات والأندية والمهرجانات واللقاءات الفكرية ,فكبار السن من مدينة حيفا لا ينسوا ابدا مسارحها التى وقف عليها عميد المسرح العربي يوسف وهبي مع فرقة "رمسيس" على خشبة مسرح "عين دو"..

وكانت عامرة بال حفلات غنائية لفريد الأطرش وأسمهان وصباح حضرها آلاف المعجبين الفلسطينيين وكما غنت ايضاً على مسارحها أم كلثوم، التي نالت لقب " كوكب الشرق" من فلسطين وفي مدينة حيفا بالذات عندما غنَّت على خشبة مسرح "الانشراح" المشهور في حيفا.

اعرفوا ... المعرفة أول خطوات الاستطاعة.

زمرا.

رائع أوي تثبيت النداء في سورة الزمر .. في الآية العاشرة ربنا بيقول " قل ياعبادي الذين آمنوا اتقوا ربكم للذين أحسنوا في هذه الدنيا حسنة وأرض الله واسعة إنما يوفى الصابرون أجرهم بغير حساب " 

و في الآية 53 " قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم " 

الاتنين قال عليهم " يا عبادي " .. منتهى الرحمة و عدم التصنيف طول ما في نفس ؛ لسه في أمل ترجع و تحصّل اللي آمن و اتقى 

"وأنيبوا إلى ربكم" ... ربي يا قرة عين الموحدين .. أسفين.

" وسيق الذين كفروا إلى جهنم زمرا حتى إذا جاءوها فتحت أبوابها وقال لهم خزنتها ألم يأتكم رسل منكم يتلون عليكم آيات ربكم وينذرونكم لقاء يومكم هذا قالوا بلى ولكن حقت كلمة العذاب على الكافرين قيل ادخلوا أبواب جهنم خالدين فيها فبئس مثوى المتكبرين "


"وسيق الذين اتقوا ربهم إلى الجنة زمرا حتى إذا جاءوها وفتحت أبوابها وقال لهم خزنتها سلام عليكم طبتم فادخلوها خالدين وقالوا الحمد لله الذي صدقنا وعده وأورثنا الأرض نتبوأ من الجنة حيث نشاء فنعم أجر العاملين وترى الملائكة حافين من حول العرش يسبحون بحمد ربهم وقضي بينهم بالحق وقيل الحمد لله رب العالمين"

معاك ولاعة؟

الاهداء بإختصار: مينا دانيال. 

مالك؟ أيوة انت مالك في ايه؟ ده بيكون احساسي و انا بقرا نص ال status updates على ال timeline . عارفة ان كلنا عندنا مشاكل و مصايب كمان .. و حاجات متدبسين فيها مش بإيدنا و اتعكينا و حاجات عكيناها بنفسنا و ندمانين و كل أنواع العكننة ... بس ايه يعني المشكلة اللي انت عايشها دلوقتي دي مقدارها ايه بالنسبة لعمرك كله؟ السنة اللي جاية حتكون فين ؟ طب بعد خمس سنين ؟ حتكون لسه موجودة؟ آه؟ طيب و الثلاثة الذين خٌلفوا ؟ ايه؟ تعالالي بأة

الغزوة كانت تبوك .. و التلاتة كانوا مرارة بن الربيع و هلال بن أمية و كعب ابن مالك .. كل واحد فيهم تخلف لعذر في نفسه .. أو حجج بمعنى أصح ؛ و مش ده موضوعنا .. لما سيدنا النبي رجع من الغزوة راحوله يعتذروا .. اسفين يا رسول الله .. مكنش فيه عذر صادق و احنا تخلفنا عن الجهاد ... التلاتة دول كان عقاب ربنا ليهم اربعين يوم محدش بيكلمهم .. هو ده المهم؟ لأ .. المهم ان رسول الله مش بيكلمهم! .. و الأهم .. ان ده بأمر من ربنا ... يعني هما مش شاكين ان ربنا غضبان منهم دول متأكدين! حاسين بكمية اليأس اللي ممكن ده يعمله فـ حد؟ على جنب كده فيه ملحوظة صغيرة .. هلال ابن أمية ده كان نوعا ما كبير في السن و ده سُمح لزوجته تفضل معاه عشان تخدمه على عكس الاتنين التانيين زوجاتهم أُمروا يرجعوا بيوت أهلهم ... ايه؟ مشكلتك لسه أكبر من ده؟ طب هما حالتهم النفسية كانت ايه بعد أول عشر أيام ؟ ....... طب بعد شهر!

خلونا نراجع الآيات كده " وَعَلَى الثَّلاثَةِ الَّذِينَ خُلِّفُوا حَتَّى إِذَا ضَاقَتْ عَلَيْهِمُ الأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ وَظَنُّوا أَنْ لا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا إِنَّ اللَّهَ هُوَ التَّوَّابُ الرَّحِيمُ "

الفرق كبير اوي بين تخلفوا و خُلفوا ! طب هما ليه خُلفوا ؟ و لما جه العفو الرباني ليه تاب عليهم الأول .. و بعدين ليتوبوا ؟ و الا هما اللي عملوا الخطوة الأولى لما " ظنوا" _ و الظن هنا يفيد المعرفة _ أن لا ملجأ من الله الا اليه زي ما قال سيد قطب _رحمة ربي عليه_ ؟ يا ترى عرفوا كده لما فهموا ان نائب الفاعل هنا مش صدفة ؟ و ان ربنا بيعلم بيهم أمة .. معرفش .. الاحتمالات لا نهائية و كلها رحيمة اوي .. 

ما تسيبوا ربنا يعلمكوا ... الرب يربّي ... هو حد يطول؟

عزيزي القاريء حبيبتي اللي سايبة المواعين و قاعدة تقرا :D

حبّوا نفسكوا الله يخليكوا .. و بعدين حبوا اللي انتو عايشينه مهما كان صعب .. ادينا بتعلّم و نترقّى .. لو قادرين تغيروا ابدأوا .. و لو مجبرين على حاجة متخلوهاش تدمركوا .. انت اللي باقي لنفسك ؛ انت أهم علاقة في حياتك .. انهرده من كتر ما بفكر في الموضوع ده كنت حصلي المغرب جماعة جهراً أنا و نفسي #حدث_بالفعل اتعلموا الصدق مع نفسكم من الثلاثة الذين خُلفوا .. و الصدق مع ربنا .. اطمئنّوا لأقداركم عشان محدش بيحبكم قد اللي مقدرها .. و متزعلوش من المواقف اللي مجبرين عليها .. لعل نزع الاختيار أحلى اصطفاء من ربنا عشان هو اللي يختارلكم .. لا تلعن الظلام و لكن أوقد الشمعة لو معكش ولاعة.. اشحن الكشاف .. ان شالله فلاش الموبايل .. و ان كان رأيي ان الله نورٌ على نور ,, و جواك نفخة من روحه ؛ يبقى لو شايف ظلام محتاج تقرب من روحك

مفيش أحسن من كلام رسول الله أختم بيه كلامي .. تفائلوا

أحبوا الله من كل قلوبكم ، ولا تملوا كلام الله وذكره ، ولا تقس عنه قلوبكم ، فإنه من كل ما يخلق الله يختار ويصطفي ، قد سماه الله خيرته من الأعمال ، ومصطفاه من العباد ، والصالح من الحديث ...